Трагична “плетка” на археологијата како научна дисциплина во една мала, но богата во тој поглед, земја, со дневно-политичките ситуации и “ученоста и апетитите” на локалните или републичките политички субјекти, за жал и денес, е речиси неразрешлив јазол. -Никој не сака да биде егзекутор на стоглавата ламја.
“...Но и најмала невнимателна реставрација на еден камен и најмала асфалтирана патека, скрнавејќи го полето каде што со векови растела трева, претставува веќе нешто засекогаш непоправливо. Убавината исчезнува, автентичноста исто така”. М. Јурсенар
Прифатете ја вистината која ви се нуди. Во овој момент немате друга алтернатива. Проценето е дека староста на Земјата изнесува околу 1,5 милијарди години.
Археологијата денес не е само формална наука за минатото, за “мртвите времиња” коишто неповратно одминале. Денешниот човек, преокупиран со животните проблеми на сегашнината и со плановите за иднината, не би смеел да ја губи смислата за својот идентитет којшто најдобро се потврдува со карактеристиките на минатото, а коешто се реафирмира преку историјата и преку непобитните материјални докази коишто ги пронаоѓа, открива и анализира археологијата.
Македонската археолошка наука треба, конечно, да ја прифати горенаведената синтагма како поим кој означува ефикасен научен метод во рамките на научно-истражувачките археолошки постапки на локалитетите во Македонија.